Info
Raíñas de Galicia é unha serie producida por GCiencia co obxectivo de rescatar a memoria das mulleres medievais galegas.
Episodi & Post
Episodi
Post
4 NOV 2025 · Xoana Vázquez das Seixas litigou coa poderosa Isabel de Castro, tomou a iniciativa de anular o seu matrimonio e deixou unha interesante pegada cultural. Falamos dela co historiador Miguel García-Fernández do Instituto de Estudos Galegos Padre Sarmiento (IEGPS) e da Universidade de Santiago (USC).
31 OTT 2025 · lduara Eiriz deixou unha profunda pegada na historia de Galicia. Fundou o mosteiro de San Salvador de Celanova. Iso si, era masculino e ela só puido entrar despois de morta. Contámoscho da man do catedrático de Historia Medieval da Universidade de Santiago de Compostela (USC) José Miguel Andrade Cernadas.
28 OTT 2025 · Beatriz de Castro decidiu o seu destino. Escapou do convento despois de que a obrigaran a facerse monxa e asumiu as rendas da súa malograda herdanza familiar. Falamos sobre a nova protagonista de Raíñas de Galicia co historiador Miguel García-Fernández, investigador no Instituto de Estudos Galegos Padre Sarmiento (IEGPS) e da Universidade de Santiago (USC).
24 OTT 2025 · Maior Pérez impulsou a construción duns baños públicos en Pontevedra no século XIV, probablemente inspirados nos baños árabes de cidades como Toledo. Foi unha pioneira e é a protagonista do capítulo 12 de Raíñas de Galicia, a serie para rescatar a memoria das galegas do medievo. Colabora neste episodio o doutor en Historia da Arte e xestor cultural Suso Vila.
21 OTT 2025 · As infantas Dulce e Sancha eran fillas de Afonso VIII, o último rei de Galicia e de León, e de Teresa de Portugal. Estaban destinadas ao trono, pero unha serie de intrigas e de movementos inesperados impediron a súa coroación. Contámoscho no undécimo episodio de Raíñas de Galicia da man das historiadoras Diana Pelaz Flores e Carla Trincado, as dúas da Universidade de Santiago.
17 OTT 2025 · Violante de Aragón foi unha raíña modélica ata que se rebelou contra o seu marido, o rei Afonso X O Sabio. A partir de aí caeu nun profundo esquecemento que chega ata os nosos días, sen que se saiba onde morreu ou onde está enterrada.
É a protagonista do décimo episodio de Raíñas de Galicia. Nel colaboran as historiadoras Rosa Rodríguez Porto, Diana Pelaz Flores e Carla Trincado, todas da Universidade de Santiago.
14 OTT 2025 · Sancha de Lobeira foi unha nobre que viviu entre os séculos XV e XVI e enfrontouse ao arcebispo de Santiago, o señor máis poderoso do seu tempo, nos tribunais. E gañou!
Analizamos a súa figura no noveno episodio de Raíñas de Galicia, a serie para rescatar a memoria das galegas do medievo. Contamos coas voces dos historiadores Miguel García-Fernández e Rodrigo Pousa.
10 OTT 2025 · Dona Teresa foi nai de Afonso Enriques, o primeiro rei de Portugal. Mais foi ela quen teceu alianzas e ideou a estratexia para converter o condado portucalense nun reino. Porén, a historiografía posterior silenciou a súa memoria. Falamos sobre a súa figura coas investigadoras Diana Pelaz Flores e Carla Trincado da Universidade de Santiago e con Suso Vila, doutor en Historia da Arte e xestor cultural.
Este é o oitavo episodio da serie Raíñas de Galicia.
7 OTT 2025 · María Pimentel de Castro denunciou o seu marido ante os Reis Católicos. El encerrouna nun castelo e exerceu violencia, tanto física como psicolóxica, contra ela.
Analizamos a súa historia no sétimo episodio de Raíñas de Galicia. Contamos coa colaboración de Miguel García-Fernández, investigador do Instituto de Estudos Galegos Padre Sarmiento (IEGPS) e da Universidade de Santiago.
3 OTT 2025 · Xoana de Castro casou en 1354 con Pedro I, rei de Castela, pero o matrimonio foi moi efémero. Pese a escasa duración, ela reclamou o seu título de raíña ata a fin dos seus días, talvez como forma de loitar contra o repudio e garantir a súa propia seguridade.
Analizamos a fascinante historia de Xoana de Castro da man de Diana Pelaz, da Universidade de Santiago, e de Miguel García-Fernández, do Instituto de Estudos Galegos Padre Sarmiento e, tamén, da institución académica compostelá.
Raíñas de Galicia é unha serie producida por GCiencia co obxectivo de rescatar a memoria das mulleres medievais galegas.
Informazioni
| Autore | GCiencia Podcasts |
| Organizzazione | GCiencia Podcast |
| Categorie | Storia |
| Sito | - |
| - |
Copyright 2026 - Spreaker Inc. an iHeartMedia Company
