Contatti
Info
Elm və Kosmosu daha yaxın etdik!
Episodi & Post
Episodi
Post
26 OTT 2026 · Avropaya ucuz səyahət etmək, Şengen vizası almaq və xaricdə büdcəyə qənaət etməyin yollarını axtarırsınızsa, bu video tam sizin üçündür! Bu buraxılışda tanınmış marketoq və səyahətçi Rumi Novruzov ilə Avropa ölkələri, İspaniya, İtaliya, Fransa və Portuqaliyaya necə sərfəli viza almaq və səyahət planlamaq haqqında ətraflı danışırıq.
Aparıcılar: Rəhman Rəsulov, Cavid Neymətzadə
23 OTT 2026 · Planet FM-in "İqlim Gündəliyi" verilişində Azərbaycanın iqlim dəyişikliyi, buna səbəb olan amillər, istixana qazı emissiyalarının azaldılması, ekoloji risklər və gələcək iqlim problemləri haqqında məlumatlılıq və uyğunlaşmaya hazırlıq müzakirə olunur.
Verilişin qonaqları neft və qaz sahəsinin geoekoloji problemləri üzrə mütəxəssis, iqlim dəyişmələrinin təsirinin yumşaldılması istiqamətində ekoloji layihələrin müəllifi və icraçısı Fəxrəddin Kərimov, həmçinin istixana qazlarının inventarlaşdırılması və azaldılması, eləcə də ətraf mühitə təsirin qiymətləndirilməsi üzrə ekspert-konsultant Məhərrəm Mehtiyevdir.
23 OTT 2026 · “Planeti VISA ilə kəşf edək” rubrikasının növbəti qonağı səyahətçi və kamp həvəskarı Mehdi Mahmudov oldu. Mehdi bəy ilə Azərbaycanda "hiking" və kamp mədəniyyətindən, təbiəti qorumağın önəmindən, eləcə də xarici ölkələrə etdiyi maraqlı səyahətlərdən danışdıq.
23 OTT 2026 · Mars missiyalarında böyük enerji problemi necə həll olunacaq? Günəş panelləri Marsda niyə kifayət etmir və radioizotop termoelektrik generatorlar (MMRTG) bu problemi necə aradan qaldırır?
Planet FM-də "Zaman Maşını" verilişinin qonağı Milli Aviasiya Akademiyasının V kurs tələbəsi, gənc tədqiqatçı Cəfər Sadıq ilə kosmik texnologiyalar, Mars roverləri, süni intellekt, nüvə enerjisi və gələcəyin kosmos tədqiqatları haqqında dərin və maraqlı bir söhbət etdik.
Aparıcı: Nigar Məmmədova
23 OTT 2026 · Britaniya vizasını almaq niyə çətindir? Şotlandiyanın Edinburq küçələrində mistik Harri Potter abu-havasını necə yaşamaq olar? Finlandiyada qütb işıqlarını (Northern Lights) görmək üçün nə qədər büdcə lazımdır və Laplandiya turlarında hansı təhlükəsizlik qaydalarına riayət etməlisiniz?
Bu buraxılışda bloqer Sevinc Əlizadə Böyük Britaniya, Şotlandiya, London və Laplandiya səfərlərindəki unudulmaz təcrübələrini, nəqliyyat xərclərini, hotel seçimindəki təhlükələri və viza sirlərini tam təfərrüatı ilə bölüşür.
Aparıcı: Rəhman Rəsulov
23 OTT 2026 · "Qadın Deyir Ki" verilişinin növbəti buraxılışında rəqəmsal köçəri və karyera məsləhətçisi Piruzə Quliyeva ilə məsafədən işləmək, səyahət azadlığı,intizam və öz həyatını dəyişməyin sirləri haqqında faydalı söhbət apardıq.
Aparıcı: Günel Mavliyarova
21 OTT 2026 · Planet FM-in "Zaman Maşını" verilişində AMEA Arxeologiya və Antropologiya İnstitutunun aparıcı elmi işçisi, tarix üzrə fəlsəfə doktoru və ADA Universitetinin müəllimi Gülanə Əliyeva Qafqaz Albaniyasının əsl cənub sərhədləri (Araz çayı), antik dövr şəhərsalma mədəniyyəti, Kiş məbədinin sirri, alban kilsələrinin erməniləşdirilməsi cəhdləri və arxeoloji qazıntılar zamanı tapılan unikal artefaktlar haqqında dəyərli faktları bölüşür.
Aparıcı: Nigar Məmmədova
21 OTT 2026 · Regionun ən böyük innovasiya və startap tədbiri olan "InMerge Innovation Summit" bu il 6-cı dəfə Bakıda baş tutur! PAŞA Maliyyə Holdinqinin dəstəyi ilə keçirilən bu möhtəşəm sammitdə Nike, Google X, Nobel mükafatçıları və dünyaca məşhur texnologiya mütəxəssisləri çıxış edəcək.
Bu müsahibədə "InMerge" Sammitinin meneceri Ülviyyə Mehralıyeva ilə birgə sammitin məqsədləri, tələbələr və startaplar üçün pulsuz iştirak imkanları, həmçinin xarici ölkələrə (Peru, Avstraliya, Özbəkistan) maraqlı səyahət təəssüratlarını müzakirə edirik.
Aparıcı: Rəhman Rəsulov
Qonaq: Ülviyyə Mehralıyeva
19 OTT 2026 · Layihənin əsas məqsədi elm, təhsil və innovasiyaları geniş ictimaiyyət üçün daha əlçatan, anlaşıqlı və maraqlı etməkdir. ABŞ-nin nüfuzlu Stanford Universitetinin Dayanıqlı Əməliyyatlar üzrə proqramının məzunu Aybəniz İsmayılovanın təqdimatında dinləyicilər ADA Universitetinin müəllim-professor heyəti, tədqiqatçıları və tələbələri ilə aparılan maraqlı müzakirələrdə gündəlik ekoloji vərdişlər üçün praktiki məsləhətlər, idarəetmədə yaşıl təşəbbüslər, dayanıqlıq proseslərinin həyatımızda təzahürü haqqında məlumatlar öyrənəcəklər.
DÜNYANI GƏZMƏK ÜÇÜN ÇOX PULLU OLMAQ LAZIMDIR? 🚗✈️ | Orxan Aslanov ilə Səyahət Sirləri və Likya Yolu!
16 OTT 2026 · Həyatı zövqlə yaşamaq, fərqli ölkələri kəşf etmək və rutin iş rejimindən azad olmaq mümkündürmü?
“Planeti VISA ilə kəşf edək” rubrikasının növbəti qonağı fotoqraf, səyahətçi və bloqer Orxan Aslanov səyahət həvəskarları üçün inanılmaz həyat təcrübələrini, "lifehack"ləri və ən maraqlı marşrutları bölüşür!
Elm və Kosmosu daha yaxın etdik!
Informazioni
| Autore | PLANET FM |
| Organizzazione | PLANET FM |
| Categorie | Astronomia , Tecnologia , Carriere |
| Sito | - |
| javad@pmg.az |
Copyright 2026 - Spreaker Inc. an iHeartMedia Company
