14 MAG 2020 · Xosé Carlos Gómez Alfaro, foi sen dúbida, como temos repetido dende o mesmo 2008, un dos grandes culpables do nacemento da web cultural Noticias O Rosal e, por conseguinte, desta canle que estás escoitando, RadiORosal. Con este undécimo episodio de Letras da Comarca queremos honrar a súa figura, comentando o libro “As Labaradas da lembranza” editado no ano 1996 pola Consellería de Cultura da Xunta de Galicia. A obra, de 70 páxinas, con debuxos da artista guardesa Alicia Alonso, está dedicada ao seu fillo Carlos, in memoriam e tamén á súa muller, Rosa Berta.

4 MAG 2020 · Este décimo episodio de Letras da Comarca, ao igual que o número 1, ímosllo dedicar ao escritor e poeta de Goián, Eliseo Alonso, que como lembrades, foi colaborador de prensa, radio e televisión, ademáis de membro da Real Academia Galega, con diferentes premios a nivel nacional e aínda internacional. O artigo protagonista deste podcast leva por título “Mayo por El Rosal. Que muito Val”, publicado no Libro de Festas do Pilar en 1971

2 MAG 2020 · Neste noveno episodio de “Letras da Comarca”, falaremos por vez primeira, dun artigo. Este relato, que leva por título “Cando eu era pequerrecho”, forma parte da publicación “Fiestas del Pilar, 24-15 de julio”, editada en O Rosal no ano 1970. O seu autor é Santos Álvarez Fernández, rosaleiro do lugar da Lomba.

28 APR 2020 · Imos dedicarlle este oitavo episodio de “Letras da Comarca” a Xosé Luis Franco Grande, que naceu en Tebra (Tomiño) o 17 de febreiro de 1936 e finou hai moi pouquiño, o pasado 31 de marzo deste 2020. Xosé Luis foi un escritor, lexicógrafo, poeta e avogado. Membro do Consello da Editorial Galaxia e tamén de número da Real Academia Galega dende 1998. Entre outros galardóns, foi nomeado Fillo Predilecto do Concello de Tomiño en 2011.

22 APR 2020 · Este sétimo episodio de “Letras da Comarca” ímolo dedicar a un libro de Emilio Rolán Mosquera, mestre, médico e biólogo nacido en A Guarda en 1935. Emilio Rolán é licenciado en Medicina e Cirurxía e doutor en Bioloxía pola Universidade de Santiago de Compostela, recibindo ademais o premio de Doutor Honoris Causa pola Universidade de Vigo.

21 APR 2020 · Neste sexto programa lembraremos o libro “Crónica biográfica de Camposancos y su entorno”, obra de Antonio García Lago. García Lago, de carácter recio e afable, con aptitudes para a música, a oratoria, o debuxo e a literatura, foi un notable investigador, redactor e colaborador de diferentes publicacións locais, da revista “Nosa Lucha” de A Guarda ou tamén da Gran Enciclopedia Gallega de 1974.