Copertina del podcast

Desmontando Mitos

  • Poñer a roupa ao clareo do Sol, funciona?

    16 FEB 2024 · No décimo e último episodio da serie Desmontando Mitos falamos co astrónomo José Ángel Docobo para confirmar que poñer a roupa ao clareo do Sol é unha técnica tradicional pero efectiva. O investigador da Universidade de Santiago explica que a os raios solares son o mellor desinfectante natural. Desmontando Mitos é unha serie de Gciencia co apoio da Fecyt e a colaboración da USC.
    5 min. 1 sec.
  • O amor, unha cuestión de química?

    9 FEB 2024 · Un xesto, unha ollada, os trazos dunha persoa ou simplemente a súa voz. Calquera destes pequenos detalles pode espertar en nós unha atracción física, sexual ou emocional provocada polas nosas hormonas que, unha vez en acción, pódennos levar a sentir desexo, amor e cariño. Cada unha das fases da relación entre dúas persoas está asociada cunha parte do cerebro, desde o máis primitivo ata o máis racional, e é resultado do efecto de diferentes substancias químicas. Hoxe, en Desmontando Mitos, falamos da química do amor con Ana Garcia Deibe, catedrática de Química Inorgánica na Universidade de Santiago de Compostela.
    4 min. 59 sec.
  • As maniotas melloran con auga e azucre?

    2 FEB 2024 · Non conseguir poñerse de pé ou simplemente levantar os brazos polo doloroso que pode ser, é algo que acontece cando facemos un exercicio intenso ou prolongado forzando os nosos músculos. É o que se chama ter maniotas. Antes pensábase que eran resultado do ácido láctico que produce o noso metabolismo cando facemos exercicio e que, en forma de cristais, depositábase nos nosos músculos, como pequenas agullas, provocando unha dor intensa. Pero a ciencia ten hoxe outra resposta sobre a orixe das maniotas. Así nolo explica no oitavo episodio de Desmontanto Mitos a catedrática de Pediatría e profesora e investigadora en Nutrición na Universidade de Santiago de Compostela (USC).
    4 min. 41 sec.
  • É a intelixencia artificial unha ameaza para a humanidade?

    26 GEN 2024 · O frenesí dos últimos anos arredor da intelixencia artificial leva a moitos a preguntarse polo verdadeiro alcance dunha revolución con riscos, pero con moitos beneficios se se seguen as normas.
    5 min. 34 sec.
  • Comer ovos dispara o noso colesterol?

    19 GEN 2024 · Cocidos, na tortilla de patacas, revoltos con hortalizas ou nos doces da sobremesa. Na nosa gastronomía moitas receitas, sobre todo as tradicionais, levan ovos de galiña. Porén, durante moitos anos falar de comer ovos foi sinónimo de colesterol no sangue. Unha relación que hoxe rexeita Manuel Vázquez, catedrático de Tecnoloxía dos Alimentos na Universidade de Santiago de Compostela, no novo episodio de Desmontanto Mitos; unha serie de Gciencia co apoio da Fecyt e a colaboración da USC.
    4 min. 27 sec.
  • Os mosquitos teñen unha cor favorita?

    12 GEN 2024 · Por que nos pican os mosquitos? Depende da cor da roupa que levemos? Carlos Otero, entomólogo da Universidade de Santiago de Compostela explícanos que determina a nosa condición de vítima e por que picarnos é unha necesidade das femias desta especie.
    4 min. 49 sec.
  • É o limón o remedio contra todos os males?

    5 GEN 2024 · O limón forma parte da nosa cultura gastronómica e da nosa farmacia doméstica dende hai séculos. Con todo, a ciencia négalle na actualidade os seus poderes de superalimento. No cuarto episodio de Desmontando Mitos abordamos coa dietista e nutricionista Nerea González os beneficios desta froita para a saúde, os perigos dun consumo excesivo e desmentimos as crenzas sobre as súas propiedades “detox”.
    4 min. 53 sec.
  • Pode caer un raio dúas veces no mesmo sitio?

    29 DIC 2023 · No terceiro episodio da cuarta temporada de Desmontando Mitos trataremos de averiguar se é certo que os raios poden caer dúas veces no mesmo sitio. Para iso, falamos co catedrático de Electromagnetismo da Universidade de Santiago (USC), Jorge Mira. El descúbrenos que o lugar onde caen as descargas ten pouco de azar e moito de fondo científico. Desmontando Mitos é unha serie de Gciencia co apoio da Fundación Española para a Ciencia e a Tecnoloxía (Fecyt) e coa colaboración da USC.
    4 min. 38 sec.
  • Pan con masa nai: máis saudable e saboroso?

    22 DIC 2023 · É realmente o pan con masa nai o máis saudable e tamén o máis sabedor que podemos escoller para o noso consumo? Neste episodio de Desmontando Mitos, a catedrática de Tecnoloxía dos Alimentos na Universidade de Santiago de Compostela e directora da Cátedra do Pan e do Cereal, Ángeles Romero. explícanos cales son as garantías para un pan beneficioso para a saúde.
    5 min. 11 sec.
  • Ortiga e menta: veleno e antídoto?

    16 DIC 2023 · Fregar a pel con follas de menta é unha das solucións populares para frear a inflamación da ortiga. Pero ten este remedio algunha base científica? O investigador en Botánica na Universidade de Santiago de Compostela, Miguel Serrano, resolve as nosas dúbidas.
    4 min. 45 sec.

Desmontando Mitos é unha serie audiovisual de Gciencia realizada co apoio da Fundación Española para a Ciencia e a Tecnoloxía (Fecyt) do Ministerio de Ciencia e Innovación e a colaboración...

mostra di più
Desmontando Mitos é unha serie audiovisual de Gciencia realizada co apoio da Fundación Española para a Ciencia e a Tecnoloxía (Fecyt) do Ministerio de Ciencia e Innovación e a colaboración da Universidade de Santiago de Compostela. En catro minutos abordamos algunhas das principais falsidades disfrazadas de argumentación científica a través do coñecemento de investigadores e datos verificados.
mostra meno
Informazioni
Autore GCiencia Podcasts
Categorie Scienze
Sito -
Email -

Sembra che non tu non abbia alcun episodio attivo

Sfoglia il catalogo di Spreaker per scoprire nuovi contenuti

Corrente

Sembra che non ci sia nessun episodio nella tua coda

Sfoglia il catalogo di Spreaker per scoprire nuovi contenuti

Successivo

Copertina dell'episodio Copertina dell'episodio

Che silenzio che c’è...

È tempo di scoprire nuovi episodi!

Scopri
La tua Libreria
Cerca