DesignTalks talks er hlaðvarp um hönnun og arkitektúr, fyrsta sinnar tegundar á Íslandi og fjallar um víðtæk áhrif greinanna í samfélaginu og ástríðuna sem liggur þar að baki.

DesignTalks talks er í umsjón Hlínar Helgu Guðlaugsdóttur, hönnuðar og stjórnanda DesignTalks ráðstefnunnar, sem hefur verið einn af lykilviðburðum HönnunarMars frá upphafi. Þættirnir í þessari fyrstu seríu eru fimm og gestirnir hefðu verið í hópi fyrirlesara ásamt fleirum á DesignTalks í Silfurbergi Hörpu ef ekki hefði verið fyrir heimsfaraldur. Þetta eru þau Valdís Steinarsdóttir vöruhönnuður og Halldór Eldjárn, Ragna Fróðadóttir, textílhönnuður, verkefnastjóri hjá Li Edelkoort Inc. og Magnea Einarsdóttir, fatahönnuður, stofnandi og eigandi fatamerkisins MAGNEA, Hörður Lárusson grafískur hönnuður, stofnandi og eigandi hönnunarstofunnar Kolofon og Magga Dóra, stafrænn hönnunarleiðtogi, stofnandi og eigandi Mennsk ráðgjöf, Arnhildur Pálmadóttir arkitekt, Studio Arnhildur Pálmadóttir og Anna María Bogadóttir, arkitekt stofnandi Úrbanistan og af þessu sérstaka tilefni: Katrín Jakobsdóttir, forsætisráðherra og Halla Helgadóttir framkvæmdastjóri Miðstöðvar hönnunar og arkitektúrs.

Hlaðvarpið er framleitt af Studio HönnunarMars og Miðstöð hönnunar og arkitektúrs og tæknimaður er Þorbjörn G. Kolbrúnarson. Halldór Eldjárn samdi stef hlaðvarpsins.