ഒരായുസ്സിന്റെ സമ്പാദ്യവും ജീവനും കവര്‍ന്ന് മനുഷ്യവാസമുണ്ടായിരുന്നതിന്റെ ലക്ഷണങ്ങളൊന്നും അവശേഷിപ്പിക്കാതെ ഉരുള്‍ കേരളത്തെ കവരുന്നത് മഴക്കാലത്തെ പതിവുകളിലൊന്നായി മാറിക്കൊണ്ടിരിക്കുകയാണ്. പണ്ടൊന്നും പതിവില്ലാത്ത വിധം മലകള്‍ പൊട്ടിച്ചിതറി മനുഷ്യന് മേല്‍ പതിക്കുന്നതിന് കാരണമെന്താകും? അതിതീവ്രമഴ എന്നതാവും ആദ്യ ഉത്തരം. മഴ ഒരു പ്രധാന കാരണം തന്നെയാണെങ്കിലും അതു മാത്രമല്ല ഉരുള്‍പൊട്ടലിന് കാരണമെന്ന് ഈ രംഗത്തെ വിദഗ്ധര്‍ പറയുന്നു.