Marisa Pérez del Molino, Doutora en Farmacia, é especialista en Microbioloxía e Parasitoloxía. Ademais de ser xefa deste servizo no EOXI de Santiago dende 2016, é tamén investigadora principal neste campo nun grupo do Instituto de Investigación Sanitario de Santiago (IDIS). Foi responsable do Laboratorio de Referencia de Micobacterias de Galicia entre 1998 e 2020 e Facultativo Especialista da Área de Microbioloxía do CHUS dende 1988 ata 2011. Entre 2004 e 2009 foi docente da área de Microbioloxía na USC así como de cursos monográficos do Doutoramento e ten publicados numerosos artigos científicos relacionados co seu ámbito investigador. Hoxe falamos con ela para coñecer máis información sobre a resistencia aos antibióticos.