In su 2014 su teatru sardu nci perdit a duus protagonistas tra is prus importantis chi at tentu, Pierfranco Zappareddu e Sergio Murru. Sa stòria intzoru s’acàpiat apari giai de is annus Sessanta cun sa nascimenta de su Teatro Studio, una cumpangia chi avolotat sa scena isulana cun sperimentatzionis, provocatzionis e libertadi de espressioni, lassendi unu marcu fungudu in sa cultura sarda.